Skip to main content

༼འབྲུག་བརྒྱུད་འཛིན་གྱི་རྒྱལ་རབས་ལྔ་པའི་གསེར་ཁྲི་གསོལ༽


      
མི་དབང་མངའ་བདག་རིན་པོ་ཆེ་དཔལ་འཇིག་མེད་གེ་སར་རྣམ་རྒྱལ་དབང་ཕྱུག་མཆོག་སྤྱི་ལོ་༡༩༨༠ཟླ༢པའི་ཚེས་༢༡ལུ་སྐུ་འཁྲུངས་ནུག །དགུང་ལོ་༢༤བཞེས་པའིསྤྱི་ལོ་༢༠༠༤ཟླ༡༠པའི་ཚེས་༢༡་ཤིང་སྤྲེལ་ཟླ་༩པའིཚེས་༨ལུ་གཟའ་སྐར་ག་ནི་བ་ཕུན་སུམ་ཚོགས་པའི་ཉིན་མར་བཀྲིས་ཆོས་རྫོང་གི་ཀུན་ར་ཐོག་ཁར་སྐྱཔས་རྗེ་རྗེ་མཁན་ཁྲི་རབས་༧༠པ་སྤྲུལ་སྐུ་འཇིགས་མེད་ཆོས་གྲགས་ཀྱི་དབུ་བཞུགས་ཐོག་ རང་ལུགས་རྟེན་འབྲེལ་ཟབ་མོའི་སྒོ་ལས་ཆོས་རྩེ་དཔོན་སློབ་ཀྱི་ཁྲི་མངའ་གསོལ་ཞུ་ཡི། ཆོས་རྩེ་དཔོན་སློབ་མངའ་གསོལ་གྱི་དགའ་སྟོན་ངོ་མ་ཤར་ཕྱོགས་འཁོར་ལོ་རྩིབས་བརྒྱད་ཀྱི་ལྟེ་བ་དབང་ཕྱུག་བརྒྱུད་འཛིན་གྱི་གདན་ས་ ཀྲོང་གསར་ཆོས་འཁོར་རབ་བརྟན་རྩེའི་རྫོང་ནང་ཉིནམ་གསུམ་གྱི་རིང་མཛད་གནང་ཡི།།
དུས་ཚོད་དེམ་གཅིག་གི་བར་ན་འཛམ་བུ་གླིང་གི་རྒྱལ་ཁབ་ག་ཏེ་གི་རྒྱལ་པོ་རང་ཨིན་རུང་རང་གི་ཕྱག་ལུ་ཡོད་མི་རྒྱལ་སྲིད་ཀྱི་དབང་ཚད་འདི་མི་ཚེའི་རིང་རང་གི་ཕྱག་ལུ་བཞག་སྟེ་སྤྱོད་པ་མ་གཏོགས་དབང་ཚད་ཡོད་བཞིན་དུ་གཞན་ལུ་སྤྲོད་མི་འདི་སངྱས་དང་བྱང་ཆུབ་སེམས་པའི་སྤྲུལ་པ་རེ་རེ་གཉིས་གཉིས་མ་གཏོགས་མེདཔ་ཨིན། ཨིན་རུང་མི་དབང་འབྲུག་རྒྱལ་བཞི་པ་མཆོག་གིས་འབྲུག་གི་རྩ་ཁྲིམས་ཆེན་མོ་བརྩམས་གནངམ་ད་འབྲུག་རྒྱལ་པོ་ག་ར་ཨིན་རུང་དགུང་ལོ་༦༥་ལུ་རྒྱལ་ཁྲིམས་ལས་ཟུར་མཛད་འབད་དགོཔ་སྦེ་བཀོད་གནང་མི་འདི་ལུ་མ་མང་གིས་གསོལ་བཏབ་ཞུ་འཕྲོ་ལུ་སྤྱི་ལོ་༢༠༠༥ཟླ༡༢པའི་ཚེས་༡༧ལུ་འབྲུག་གི་རྒྱལ་ཡོངས་དུས་ཆེན་ཐེངས་༩༨པ་བཀྲིས་གཡང་རྩེ་ལུ་བརྩི་སྲུང་མཛད་གནངམ་ད་སྤྱི་ལོ་༢༠༠༨་ལས་འབྲུག་རྒྱལ་པོའི་ཕྱག་འགན་བརྒྱུག་འཛིན་རྒྱལ་སྲས་ལུ་རྩིས་སྤྲོད་གནང་སྟེ་ཁོ་ར་རྒྱལ་པོའི་ཁྲི་ལས་དགོངས་ཞུ་མཛད་ནིའི་ཁྱབ་བསྒྲགས་གནང་ཡི། དེ་ལས་ཁྱབ་བསྒྲགས་གནངམ་བཞིན་དུ་གནམ་ལོ་༢༠༠༦་མེ་ཁྱི་ཟླ་༡༠པའི་ཚེས་༢༤དང་སྤྱི་ལོ་༢༠༠༦་ཟླ་༡༢་པའི་ཚེས་༡༤་ལུ་ཐིམ་ཕུ་བཀྲིས་ཆོས་རྫོང་ནང་དམིགས་བསལ་ལྷན་རྒྱས་གཞུང་ཚོགས་ཅིག་གནང་བའི་སྐབས་ འབྲུག་རྒྱལ་བཞི་པ་ཁོ་ར་དགུང་ལོ་༥༡ལས་མ་བཞེས་རུང་རྒྱལ་ཞབས་རང་ཉིད་ཀྱིས་ཐུགས་ཐག་བཅད་ཐོག་ལས་འབྲུག་གི་རྒྱལ་སྲིད་འཛིན་སྐྱོང་གི་ཐུགས་འགན་ཧྲིལ་པོར་བརྒྱུད་་འཛིན་གྱི་རྒྱལ་སྲས་མི་དབང་ཀྲོང་གསར་དཔོན་སློབ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་ལུ་ཐུགས་སྨོན་རྒྱ་ཆེན་པོ་དང་བཅས་རྩིས་སྤྲོད་གནང་སྟེ་འབྲུག་རྒྱལ་བཞི་པ་ཁོ་ར་ རྒྱལ་པོའི་གསེར་ཁྲི་གུ་ལས་མར་བབས་གནང་སྟེ་དགོངས་ཞུ་མཛད་གནང་ཡི། དེ་གི་ཤུལ་ལས་རྒྱལ་སྲས་མཆོག་མི་དབང་ཡབ་དང་གཅིག་ཁར་

སྤྱིར་བཏང་རྒྱལ་སྲས་ཀྱི་ཉམས་མྱོང་བཞེས་ནི་དང་གཅིག་ཁར་ དུས་ཚོད་མང་རབས་ཅིག་ རྒྱལ་ཁབ་ནང་དུས་ཚོད་གསར་པའི་འཕོ་འགྱུར་མི་སེར་དམངས་གཙོའི་རིང་ལུགས་འགོ་བཙུགས་ནི་གི་རྩ་ཁྲིམས་ཟིན་བྲིས་མི་མང་དང་གཅིག་ཁར་གྲོས་བསྡུར་གནང་ནིའི་ཕྱག་ལཱ་ནང་བཅའ་མར་གཏོགས་ཏེབཞུགས་ནུག །
  དེ་ལས་འབདན་ མི་དབང་མངའ་བདག་རིན་པོ་ཆེ་དཔལ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་རྒྱལ་པོའི་ཕྱག་འགན་རྩིས་་བཞེས་ཏེ་ལོ་ངོ་༡དང་ཟླ་ངོ་༡༡ལུ་ཡོངས་གྲགས་གསེར་ཁྲི་མངའ་གསོལ་གྱི་དགའ་སྟོན་རྟེན་འབྲེལ་བརྩི་གནང་ཡི། དེ་ཡང་སྤྱི་ལོ་༢༠༠༨ཟླ༡༡ཚེས་༡རང་ལུགས་ས་བྱི་ཟླ༩ཚེས་༣ལུ་སྤུངས་ཐངས་བདེ་བ་ཆེན་པོའི་ཕོ་བྲང་ནང་ཞབས་དྲུང་མ་ཆེན་རིན་པོ་ཆེའི་སྐུ་མདུན་ལས་བྱིན་ཅན་གྱི་དར་བཞེས་ཏེ་ཀུན་ར་ཆེན་མོའི་ནང་ལུ་སྐྱབས་རྗེ་རྗེམཁན་ཁྲི་རབས་༧༠པ་སྤྲུལ་སྐུ་འཇིགས་མེད་ཆོས་གྲགས་ཀྱིས་དབུ་ཁྲིད་ཐོག་ལས་གསེར་ཁྲི་མངའ་གསོལ་ཞུཝ་ད་ མི་དབང་འབྲུག་རྒྱལ་བཞི་པ་དང་མངའ་བདག་སྐུ་འཁོར་ཡོངས་རྫོགས་བླ་སྤྲུལ་དགེ་འདུན་འདུས་པའི་སྡེ་དང་འབྲུག་གཞུང་བློན་ཆེན་གྱི་གཙོས་པའི་ཆེས་མཐོའི་གཞུང་གི་དཔོན་ཁག་ རྒྱལ་སར་གཏན་འཇགས་ཕྱི་རྒྱལ་གྱི་སྐུ་ཚབ་ཚུ་དང་ས་གནས་ཀྱི་རྫོང་ཁ་གི་མི་སེར་ལྷན་འཛོམས་ཀྱི་ཐོག་ལས་ཕུན་སུམ་ཚོགས་པའི་རྟེན་འབྲེལ་བརྩི་སྲང་ཞུ་ཡི།།
   དེ་གི་ཤུལ་མ་སྤྱི་ལོ་༢༠༠༨ཟླ་༡༡ཚེས་༦ལུ་ཐིམ་ཕུ་བཀྲིས་ཆོས་རྫོང་གི་གསེར་ཁྲི་ཁང་བཟང་ནང་ འབྲུག་རྒྱལ་བཞི་པ་དཔལ་མི་དབང་འཇིགས་མེད་སེངྒེ་དབང་ཕྱུག་གིས་དབུ་ཞྭ་བྱ་རོག་གདོང་ཅན་ཕུལ་ཏེ་ འབྲུག་རྒྱལ་ལྔ་པའི་གསེར་ཁྲི་མངའ་གསོལ་ཞུཝ་ད་སྐུ་མགྲོན་གཙོ་རྒྱ་གར་རྒྱལ་ཚབ་ཤཱི་མ་ཏི་གཙོས་པའི་ཕྱི་རྒྱལ་གྱི་སྐུ་མགྲོན་དང་ཆེས་མཐོའི་སྐུ་ཆེན་པོ་ཚུ་གིས་མངོན་པར་བསྟོད་པའི་དབུས་སུ་གསེར་ཁྲི་མངའ་གསོལ་གྱི་དགའ་སྟོན་རྟེན་འབྲེལ་རྒྱས་ཤིང་རྒྱས་པར་བརྩི་གནངམ་མ་ཚད་མི་དབང་མངའ་བདག་རིན་པོ་ཆེ་གིས་ཀུན་ར་ཆེན་མོའི་ནང་དང་རྟེན་འབྲལ་ཐང་ནང་དཔོན་འབངས་ལྷ་སྡེ་ མི་སྡེ་སྐུ་མགྲོན་ལྷན་རྒྱས་ཡོངས་ལུ་ཡང་མཇལ་ཁ་གནང་སྟེ་ཁྲི་དར་ཕུལ་ནིའི་གོ་སྐབས་གནང་ཡི།།
   དེ་ལས་སྤྱི་ཚེས་༧དང་༨ལུ་ཅང་གླིང་མི་ཐང་གི་དགའ་སྟོན་ཐང་ནང་འབྲུག་མི་འབུམ་ཕྲག་ལས་ལྷག་སྟེ་འཛོམས་ཞིནམ་ལས་དགའ་སྟོན་རྒྱས་སྤྲོ་ཆེན་པོའི་དུས་སྟོན་བརྩི་སྲུང་ཞུཝ་ད་ མི་དབང་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་གིས་རྒྱལ་ཡོངས་ལུ་གསུང་བཤད་གནང་མི་ནང་ ང་ར་ལུ་སྒེར་དོན་འགྲུབ་དགོཔ་ག་ནི་ཡང་མེད་ངིའི་རེ་བ་དང་དམིགས་ཡུལ་ཟེར་རུང་རྒྱལ་ཁབ་དང་མི་དམངས་གི་

མཐའ་དོན་འགྲུབ་ནི་དེ་རྐྱངམ་གཅིག་ཨིནམ་ལས་ད་ལས་ཕར་ང་རྒྱལཔོ་བཟུམ་མེན་པར་མི་སེར་ལུ་ཕམ་བཟུམ་མའི་ཕངས་སེམས་བསྐྱེད་དེ་ཞབས་ཏོག་ཞུ་ནི་ཨིན་ཟེར་གསུངས་ཡི།
དགའ་སྟོན་གྱི་དུས་ཡུན་ཧྲིལ་པོར་མི་སེར་གང་མང་ལུ་བྱམས་དང་བརྩེ་བའི་གསུང་དང་སྐུའི་མཇལ་ཁ་གནངམ་ལས་མི་མང་ཡོངས་ལུ་དགའ་མགུ་ཚད་མེད་ཀྱི་དགའ་སྤྲོ་ཐོབ་སྟེ་མི་སེར་གྱི་རྒྱལ་པོ་ཟེར་བའི་གུས་ཞན་གྱི་གདུང་དབྱངས་ཡོངས་གྲགས་ཀྱི་ཐོག་ལས་འབྲུག་རྒྱལ་ལྔ་པའི་གསེར་ཁྲི་མངའ་གསོལ་ཐོག་མཐའ་བར་གསུམ་རྟེན་འབྲེལ་ཤིན་ཏུ་བཟང་བའི་ཐོག་ལས་གྲུབ་གནང་ཡི་ཟེར་ཞུ་ནི་ཨིན།
ད་མཇུག་རང་རྒྱལ་བརྒྱུད་ལོ་བརྒྱའི་དགའ་སྟོན་གྱི་རྟེན་འབྲེལ་གླུ་དབྱངས་བཅསཔ་སྦེ་མཇུག་བསྡུ་ནི།
    སྨན་ལྗོངས་དཔལ་ལྡན་འབྲུག་པའི་རྒྱལ་ཁབ་ནང་།། གཅིག་སྟོང་དགུ་བརྒྱ་བདུན་གྱི་གནམ་ལོ་ལས།།
    རྒྱལ་ཐོག་དང་པ་ཨོ་རྒྱན་དབང་ཕྱུག་བྱོན་་་་་་་་་་་་་་་་།། རྒྱལ་བརྒྱུད་རིང་ལུགས་བརྙེས་པ་རྟེན་འབྲེལ་བཟང་།།
    མི་དབང་འཇིགས་མེད་དབང་ཕྱུག་སྐུ་དབང་གིས།། ངན་པ་ཚར་གཅོད་བཟང་པོ་རྗེས་འཛིན་དང་།།
    མཐུན་ཕྱོགས་རྒྱལ་ཁབ་འབྲེལ་ལམ་གཞི་བཙུགས་ཀྱིས།། རྒྱལ་སྲིད་རྩ་བ་བརྟན་པ་རྟེན་འབྲེལ་བཟང་།།
    མངའ་བདག་འཇིག་མེདརྡོེ་་དབང་ཕྱུག་མཆོག། ཡར་ཐོན་ཅན་གྱི་དེང་སང་ལམ་ལུ་ཞུགས།།
    འབྲུག་འདི་རྒྱལ་ཁབ་སྤྱིའི་གྲལ་ཁར་བཙུགས།། དཔལ་འབྱོར་མངའ་ཐང་གོང་འཕེལ་རྟེན་འབྲེལ་བཟང་།།
   མཚུངས་མེད་མངའ་བདག་འཇིགས་མེད་སེང་གེའི་ཞབས།། རྒྱལ་ཁབ་རང་དབང་སྲུང་སྐྱོབས་རྩ་བརྟན་བཟོ།།
   མ་འོངས་གཏན་བཞག་དམངས་གཙོའི་རིང་ལུ་བཙུགས།། རྒྱལ་ཡོངས་དགའ་སྐྱིད་དཔལ་འཛོམས་རྟེན་འབྲེལ་བཟང་།།
སྤྱི་ལོ་གཉིས་སྟོང་བརྒྱད་ཀྱི་དགུང་བཟང་འདིར།། མངའ་བདག་མི་དབང་འཇིགས་མེད་གེ་སར་མཆོག།
བརྒྱུད་འཛིན་ལྔ་པའི་གསེར་ཁྲི་ཕེབས་པ་ལེགས།། སྐུ་ཚེ་ཞབས་པད་བསྐལ་བརྒྱར་བརྟན་པར་ཤོག།

Comments

Post a Comment

comment and help me to go further

Popular posts from this blog

Never Trust People for they Love their own Business.

  I remembered while I was studying in class 12 at Semtokha, where my Architecture Lopen Phub Tshering told us “Never trust people, they love business.” I never think of it or realized or listen to him at that time. But as of today I think he was right. Should I trust my relatives   because ………..?   I did not face that much problem before I was employed. After I was employed then started many things which I will write in the following lines. Immediately after I was employed in October 2011, at the very beginning where I worked only three, four days I got a called from my cousin sister saying that she need 10,000 Nu. I told her I have no money and I haven’t paid my salary yet which I have just started my job this month. So what happen after that?   She called my parent saying that she feed me and had given a lot of money during my school days which otherwise she could have been rich if she had not spend that for my expenditure. I should say I ate a food ...

Synopsis & Review on Serial Autumn in My Heart.

Autumn in my heart is a Korean serial movie directed by Yoon Suk Ho an and produced by Yoon Hong Sik   which is a heart touching movie of Endless Love. Yoon Joon-suh and Yoon Eun-suh grew up as siblings but Eun-suh was in fact from a different family as there was a mixed up at the hospital where she was born. The switch came to light when Eun-suh was involved in a car accident and it was discovered that her blood type was different from her parents. Eun-suh's life took a complete turn when the 2 girls were returned to their respective families. Soon after, the Yoon family left for the States and Eun-suh was left living in disgusting condition with her real family in Korea. Years after, Joon-suh returned to Korea and by chance the two former siblings were reunited. The story is this. Two siblings, Yoon Joon-Suh and Yoon Eun-Suh, are very close. They love each other very much to the point that both the brother and sister stick together like glue. It's rare to see them...