Dzongkha Corner

                                                   རྩང་མོ།

           ཁྱོད་ནི་ཁ་ཤ་དྲ་དུམ། །ང་ནི་གོས་ཆེན་དྲ་དུམ།།
           གཅིག་ཁར་བཙེམ་དགོ་མནོ་རུང་། །འཇའ་འཇའ་འདྲཝ་རང་མིན་འདུག།



           ལྷ་ས་སྒོ་བཟང་ཐོག་ལས། །དྲིལ་བུ་བརྒྱ་དྲིལ་སྟོང་དྲིལ།།
           གསུང་སྐད་ཧན་པའི་དྲིལ་བུ། །གཅིག་དང་གཉིས་ལས་མིན་འདུག།


          ང་བཅས་གཉིས་ཀྱི་ལས་འཕྲོ། །སྤང་རི་ལོགས་ཀྱི་འཇའ་ཚོན།།
          ཡུད་ཙམ་ཆགས་པ་མ་གཏོགས། །གཏན་རྐྱང་གནས་པ་མིན་འདུག།


         ལྷ་ས་ཁྲོམ་གྱི་སྦུག་ལུ། །འགྲུལ་པ་བརྒྱ་དང་སྟོང་འདུག།
         རང་སེམས་དགའ་བའི་མི་གཅིག །སེར་པོ་གསེར་ལས་དཀོན་པས།།


         གཡུ་ཅིག་ཉོ་དགོ་མནོ་སྟེ། །གཡུ་ཚོང་རྐྱབ་སར་ལྷོད་ཅི།།
         བདག་གི་བླམ་དང་དཀོན་མཆོག །དྲུག་དཀར་གཅིག་དང་མཇལ་ཡི།།

         དགུང་དང་སྤྲིན་གྱི་མཚམས་ལུ། །བྱུ་རུའི་མཆོད་རྟེན་བཞེངས་ཡི།།
         ཉིམ་དང་ཟླ་བས་མ་གཏོགས། །གཞན་གྱིས་མཇལ་ས་མིན་འདུག།

         ཁྱོད་ནི་ལ་མོའི་རྒྱབ་ལས། །དར་དཀར་གཡུག་གཡུག་འབད་ཤོག།
         ང་ནི་ལ་མོའི་གདོང་ལས། །འཛུམ་མདོག་ཤིག་ཤི་འབད་གེ།

         ཕ་རི་སྤང་གི་ལོགས་ལ། །འགྲུལ་པ་བརྒྱ་འགྲུལ་སྟོང་འགྲུལ།།
         ཁ་ཤེས་ངོ་ཤེས་འགྲུལ་པ། །སེར་པོ་གསེར་ལས་དཀོན་པས།།

        ཕ་རི་སྤང་གཤོང་ཡོད་པ། །མི་རྣམས་ཀུན་གྱིས་ཤེས་སོང་།།
        སྤང་ལུ་གསེར་ཤོག་ཡོད་པ། །ང་རང་མ་གཏོགས་མི་ཤེས།།



No comments:

Post a Comment

comment and help me to go further

Comments System

Disqus Shortname